top of page
PC110550_ps - Copy.jpg

Слемираме низ скопските маала

Едукативно-креативна работилница за слем

Home: Welcome
246610861_4378527782201335_2887527621796280348_n.png

За проектот

Проектот „Слемираме низ скопските маала“ претставува креативно-едукативнa работилница за пишување слем-поезија, слем-изведба и самоснимање слем-видео.

Работилницата ја обработува слем-поезијата, одликите на слем-поезијата, пишувањето слем-поезија, културата на однесувањето на сцена, односот со микрофонот и пред камера, техниките на слем-изведба, динамиката на гласот и правилниот говор и изговор, односот со публиката, техниките за учење текстови напамет и снимањето слем-видеа со мобилен телефон.

Интерактивна и менторска настава; дискусија; вежби.


Индивидуална работа, работа во парови и групи, работа со менторката.

Целата на работилницата е учеснич(к)ите да се запознаат со слемот како изведбена уметност; да научат да пишуваат слем-текстови, успешно да изведуваат слем-настапи пред камера и да научат да самостојно да снимаат слем-видеа.


Слем-текстовите напишани за време на работилницата за креативно пишување и слем-видеата снимени за време на видео-работилницата ќе бидат прикачени на официјалната слем ФБ страница: Poetry SLAM Macedonia – https://www.facebook.com/slammacedonia, на веб-страница специјално направена за потребите на проектот.

* Авторските права за идејата на креативните работилници при проектот „Слемираме низ скопските маала“ се интелектуална сопственост на Елена Пренџова. Не е дозволено делумно ни целосно преземање, копирање и користење на идејата и програмските активности без нивна претходна согласност и дозвола.

** РАБОТИЛНИЦАТА „СЛЕМИРАМЕ НИЗ СКОПСКИТЕ МААЛА“ СЕ РЕАЛИЗИРА СО ФИНАНСИСКА ПОДДРШКА НА ГРАД СКОПЈЕ.

*** Насловна фотографија: Јане Стојаноски

**** Дизајн на креатива: Александра Новеска

Home: About
mkd-356092.jpg

Био-библиографија

Елена Пренџова е магистерка по филолошки науки и дипломирана професорка по англиски јазик и книжевност.


Работи како советничка за превод при Универзитетот „Мајка Тереза“ во Скопје, а предава и во Центарот за обука ЕВА (Едукативна вокациска асистенција).


Пренџова е првата во нашата земја која почна да менторира работилници за креативно пишување, реализирајќи ги своите работилници и надвор од земјата:


  • ноември 2020: Коменторка на креативно-едукативната работилница за картографијата и креативното пишување „Да ги доближиме природните и техничките науки до младите: Забавна картографија“ за основки и основци – со поддршка на Град Скопје и во организација на Домот на културата „Кочо Рацин“ – Скопје

  • октомври-ноември 2020: Коменторка на креативно-едукативната работилница за цртеж и креативно пишување „Скопска архитектура што инспирира поезија“ наменети за млади од повисоките класови од средните училишта – со поддршка на Град Скопје

  • октомври-ноември 2019: Менторка на серијата креативни работилници за креативно пишување наменети за основци/основки и средношколци/средношколки што се одржуваа во 6 градови низ Македонија со завршна приредба во Скопје – „Карван на креативни работилници за креативно пишување“ – со поддршка на Министерството за култура во рамките на манифестацијата „Нов културен бран“

  • март 2019: Коменторка на работилницата за креативно пишување „Мали приказни од Скопје“ во соработка со „Просветно дело“, Скопје – со поддршка на Град Скопје

  • март 2019: Коменторка на работилница за креативно пишување во градската библиотека „Бора Станковиќ“ во Врање, Србија во склоп на манифестацијата „Борински литературни денови“, организирана од градот Врање

  • август 2018: Коменторка на слем-работилница во рамките на Интернационалниот филмски фестивал „Оревче бич фестивал“

  • март 2018: Менторка на работилница по креативно пишување на ориентални кратки поетски форми во „Врајтинг студио“, Скопје

  • февруари 2018: Менторка еднодневната едукативна работилница по креативно пишување на тема „Ориентални кратки поетски форми – ХАИКУ И СЕНРЈУ“ во рамките на проектот „Самодовербата и социјалната инклузија предуслов за достоинствено старењее“ во Куманово

  • декември 2017: Коменторка-инструкторка на работилница „Уметничка креативност во поезијата“, проект „Социјална инклузија на лицата од трето доба“ во рамките на проектот на Републичкиот одбор на Црвениот крст на Македонија во Скопје

  • декември 2016: Менторка по слем-работилница со средношколците од Охридската гимназија, спроведена преку Националниот младински совет на Македонија (НМСМ)

  • октомври–ноември 2015: Хонорарна менторка по работилниците за стилски вежби по креативно пишување „Надреалистички техники по пишување“ во школата за уметности „Џолев и уметностите“.


Пренџова се занимава со слем-поезија и изведбена поезија од 2012 година.


Пренџова е коорганизаторка на Националниот слем-натпревар во Прилеп.


Ја претставувала Македонија на Европското слем-првенство во 2016 година.


Во 2019 година беше стипендистка на програмата за перформативни уметсности i-Portunus и „Креативна Европа“ остварувајќи резиденцијален престој во Естонија и Словенија каде менторираше слем-работилници и настапуваше на слем-настани.

Во 2020 година е членка на жири-комисијата на Европското слем-првенство.

Авторски збирки поезија:


  • Шшш! Интимистичка Вајбер поезија (прво и второ издание) – национална награда „Јован Котески“ за најдобра поетска книга

  • Мини прирачник за поезија, книга есеи, говори, коментари и размисли за поезијата

  • Љубољубива/Политички коректна поезија, издание на српски јазик (препев: Катарина Фиаменго)

  • Љубољубна – награда „Караманов 2014“ за најдобар поетски ракопис

  • Политички коректна поезија - награда „Даница Ручигај“ за најдобра поетска книга од авторка, членка на Друштвото на писателите на Македонија

  • Život pod zvezdama, издание на хрватски јазик (препев: Жарко Милениќ), Брчко, БиХ

  • Живот под ѕвездите – награда „Македонска книжевна авангарда“ за ново авангардно книжевно творештво за необјавен поетски ракопис

  • Пораки од морето – награда „Бели мугри“ за најдобар поетски ракопис на млад/а автор/ка

  • Таа

  • Јас


 Препеви:


  • Скопски блуз и други песни од Македонија од малтешкиот писател Имануел Мифсуд – со поддршка на Министерството за култура

  • Дуке лар нечистите алишта од американската поетеса Наталиа Тревињо – препев на македонски и на албански (албанскиот препев е на Јордана Шемко-Ѓорѓиевска) – со поддршка на Министерството за култура


Преводи:


  • Јас сум Акико од српкиот писател Стефан Тиќми, роман за деца – под покровителство на  Програмската комисија на Европската мрежа за литература и книги „Традуки“

Home: About
Grad-Skopje.jpeg

ФИНАНСИСКА ПОДДРШКА ЗА РЕАЛИЗАЦИЈА

Проектот „Слемираме низ скопските маала“ се реализира согласно Решението на Градоначалникот на Град Скопје за финансирање манифестации, проекти и творештво на други корисници и чинители преку кои се остварува локалниот интерес во културата, со које е опфатено финансирањето на програми/проекти на здруженија на граѓани, културни установи, самостојни уметници и поединци кои ги задоволуваат општите и посебните критериуми согласно објавениот Kонкурс, како програми/проекти од областа на културата преку кои се остварува локалниот интерес во културата на Грaдот Скопје за 2021 година.

Home: About
Home: Pro Gallery
Home: Videos

Слемираме низ скопските маала

Зборник

АВТОР(К)И:

АНГЕЛА ЗИМБАКОВА
БОЈАНА ПАШОВСКА
ДАМЈАН ЕССЕ
ДАФИНА „ДАФФНЕ“ ВЕСЕЛИНОСКА
КРИСТИНА КОПЕВСКА
ТАЊА КУЗМАНОСКА

Home: Course Overview

Пишете ни

Пишете ни овде или на електронската адреса: poetri.slam@yahoo.com

Thanks for submitting!

Home: Apply Now
bottom of page