Елена Пренџова е магистерка по филолошки науки и дипломирана професорка по англиски јазик и книжевност. Работи како советничка за превод при Универзитетот „Мајка Тереза“ во Скопје, а предава и во Центарот за обука ЕВА (Едукативна вокациска асистенција).

Реализирани креативни работилници:

• октомври-ноември 2020: Коменторка на едукативно-креативните работилници за цртеж и поезија „Архитектура што инспирира поезија“ – со поддршка на Град Скопје

• октомври-ноември 2019: Менторка на серијата креативни работилници за креативно пишување наменети за основци и основки и средношколци и средношколки што се одржуваа во 6 градови низ Македонија со завршна приредба во Скопје – „Карван на креативни работилници за креативно пишување“ – со поддршка на Министерството за култура во рамките на манифестацијата „Нов културен бран“ во 2019 година

• март 2019: Коменторка на работилницата за креативно пишување „Мали приказни од Скопје“ во соработка со „Просветно дело“, Скопје и Домот на културата „Кочо Рацин“, Скопје – со поддршка на Град Скопје

• март 2019: Коменторка на работилница за креативно пишување во градската библиотека „Бора Станковиќ“ во Врање, Србија во склоп на манифестацијата „Борински литературни денови“, организирана од Град Врање

• август 2018: Коменторка на слем-работилница во рамките на Интернационалниот филмски фестивал „Оревче бич фестивал“, Охрид

• март 2018: Менторка на работилница по креативно пишување на ориентални кратки поетски форми во „Врајтинг студио“, Скопје

• февруари 2018: Менторка на еднодневната едукативна работилница по креативно пишување на тема „Ориентални кратки поетски форми – ХАИКУ И СЕНРЈУ“ во рамките на проектот „Самодовербата и социјалната инклузија предуслов за достоинствено старењее“ во Куманово

• декември 2017: Коменторка-инструкторка на работилница „Уметничка креативност во поезијата“, проект „Социјална инклузија на лицата од трето доба“ во рамките на проектот на Републичкиот одбор на Црвениот крст на Македонија во Скопје

• декември 2016: Менторка по слем-работилница со средношколците и средношколките од Охридската гимназија, спроведена преку Националниот младински совет на Македонија (НМСМ)

• октомври–ноември 2015: Хонорарна менторка по работилниците за стилски вежби по креативно пишување „Надреалистички техники по пишување“ во школата за уметности „Џолев и уметностите“.

Пренџова е авторка на десетина авторски збирки поезија:

• Шшш! Интимистичка Вајбер поезија (2019, две изданија) – национална награда „Јован Котески“ за најдобар поетски ракопис

• Мини прирачник за поезија (2017), книга есеи, говори, коментари и размисли за поезијата

• Љубољубива/Политички коректна поезија (2015), издание на српски јазик (препев: Катарина Фиаменго)

• Љубољубна (2014) – награда „Караманов 2014“ за најдобар поетски ракопис

• Политички коректна поезија (2014) –награда „Даница Ручигај“ за најдобра поетска книга од авторка, членка на Друштвото на писателите на Македонија

• Život pod zvijezdama (2013), издание на хрватски јазик (препев: Жарко Милениќ), Брчко, БиХ

• Живот под ѕвездите (2013) – награда „Македонска книжевна авангарда“ за ново авангардно книжевно творештво за необјавен поетски ракопис

• Пораки од морето (2011) – награда „Бели мугри“ за најдобар поетски ракопис на млад/а автор/авторка

• Таа (2009)

• Јас (2006)

Пренџова се занимава и со слем-поезија и изведбена поезија. Ја претставувала Македонија на Европското слем-првенство во 2016 г. Пренџова е коорганизаторка на Националниот слем-натпревар.